इन्सेकद्वारा उपचारमा आर्थिक अभाव झेलेका बालकलाई आर्थिक सहयोग

  ०८१ पुस २८ गते

आर्थिक अभावका कारण डिस्चार्ज भएर घर जानसमेत समस्यामा परेका बैतडीका १४ वर्षीय रोशन धामीलाई इन्सेकले आर्थिक सहयोग गरेको छ । इन्सेक बागमती प्रदेश संयोजक गणेश भण्डारीले पुस २७ गते पीडितलाई स्वास्थ्य उपचार प्रकृयाका लागि १२ हजार रुपियाँ आर्थिक सहयोग गर्नु भएको हो ।

टाउकोको अप्रेशनप्रश्चात वीर अस्पतालमा रहेका छोरालाई अस्पतालबाट डिस्चार्ज गर्न र घरसम्म जानलाई समेत समस्या भएको आमा पार्वती धामीले बतएपछि धामी परिवारको उपचार प्रकृया र आर्थिक समस्यालाई समाधान गर्नका लागि सहयोग गरेको संयोजक भण्डारीले बताउनु भयो ।

सोही क्रममा पीडित पक्षले संयोजक भण्डारीलाई सहयोगका लागि आग्रह गर्दै निवेदन दिएपछि इन्सेकले पीडितलाई आर्थिक सहयोग गरेको हो ।

उपचारमा लागेको खर्च वीर अस्पतालले केही छुट दिएको र मेडिकल पसलमा रहेको औषधिको १ लाख भन्दाबढीको विल विभन्न दाताको सहयोगमा भुक्तानी गरी वीर धामी अस्पतालबाट पुस २२ गते डिस्चार्ज हुनभएको छ ।

रोशनलाई एक महिनापछि फलोअपका लागि बोलाइएकोमा अहिले पत्रकार तथा सामाजिक अभियान्ता प्रकाश सिंहको सहयोगमा काठमाडौं चण्डोलमा रहेको मेडिकल पुनर्स्थापना संस्थामा बसिरहेका छन् ।

पार्बती साउद