इन्सेक गतिविधिहरू

अनौपचारिक क्षेत्र सेवा केन्द्र(इन्सेक) गुल्मीले जिल्लाका सबै पर्यवेक्षण गर्ने संस्थासँग असार ११ गते अन्तरक्रिया गरेको छ । अन्तरक्रियामा पर्यवेक्षण गर्ने संस्थाहरूले एक आपसमा मिलेर सूचना सङ्कलन, सूचनाको आदानप्रदान र अनगुमनलाई समन्वयात्मक बनाउने सहमति गरिएको छ ।

अन्तरक्रियामा अहिलेसम्म जिल्लामा भएको चुनावी गतिविधि, आचारसंहिता पालनाको अवस्था र मौन समयमा पालना गर्नुपर्ने आचारसंहिताको बारेमा छलफल भएको थियो । साथै पर्यवेक्षकहरूले पालना गर्नुपर्ने आचारसंहिताको बारेमा पनि अर्न्तक्रियामा छलफल भएको थियो । कार्यक्रममा इन्सेक गुल्मी, नियोक, इओसी, गैरसरकारी संस्था महासङ्घ, मानव अधिकार मञ्च र नेपाल मानव अधिकार सङ्गठनका पर्यवेक्षकहरूको सहभागिता रहेको थियो ।

जिल्ला स्थित पर्यवेक्षकको संयुक्त टोलीले आजै रेसुङ्गा नपा-१२ को रानीपोखरी निमावि मतदान केन्द्रको अनुगमन समेत गरेको छ ।

टोपलाल अर्याल