इन्सेकको समन्वयमा परियोजना व्यवस्थापन तथा श्रोत परिचालनसम्बन्धी तालिम सुरु
अनौपचारिक क्षेत्र सेवा केन्द्र (इन्सेक) को समन्वयमा विराटनगरमा कात्तिक २३ गतेदेखि 'साझेदार संस्थाका प्रतिनिधिहरूलाई परियोजना व्यवस्थापन तथा श्रोत परिचालन'सम्बन्धी चार दिने तालिम सुरु गरिएको छ ।
नेपालमा विभेद गरिएका समूहको आर्थिक, सामाजिक तथा सांस्कृतिक अधिकारको प्रवर्धनका लागि मानव अधिकार रक्षक तथा नागरिक समाजको सुदृढीकरण परियोजना अन्तर्गत यूरोपियन युनियनको सहयोग र डिसिएको आयोजनामा उक्त तालिम आयोजना गरिएको हो ।
तालिममा इन्सेक पूर्वाञ्चल क्षेत्रीय कार्यालय विराटनगरका संयोजक सोमराज थापाले मानव अधिकारको सवाल बृहत भएको बताए । उनले सशस्त्र द्वन्द्वको समयमा बाँच्न पाउने कुरा महत्वपूर्ण भएपनि पछिल्लो समयमा आर्थिक, सामाजिक र सांस्कृतिक अधिकारका सवाल नै मुख्य रहेको बताए ।
डिसिएका प्रतिनिधि गेहेन्द्र गिरीले स्थानीय संस्था र नागरिक समाजले स्थानीय सवाललाई उठाउनुपर्नेमा जोड दिए ।
परियोजना संयोजक सारा न्यौपानेले नेपालमा विभेद गरिएका समूहको आर्थिक, सामाजिक तथा सांस्कृतिक अधिकारको प्रवर्धनका लागि मानव अधिकार रक्षक तथा नागरिक समाजको सुदृढीकरण परियोजनाको उद्देश्य र तालिमको आवश्यक्ताबारे जानकारी दिएकी थिइन् ।
तालिममा इन्सेक, जागरण नेपाल, दलित सेवा सङघ र नेपाल अपाङ्ग समाजलगायतका संस्थाका २० जनाको सहभागिता रहेको छ ।
इन्सेक क्षेत्रीय कार्यालय, विराटनगर
सम्बन्धित इन्सेक गतिविधिहरू
गण्डकीमा बाल अधिकार समूहको प्रदेशस्तरीय सञ्जाल बैठक सम्पन्न
अनौपचारिक क्षेत्र सेवा केन्द्र (इन्सेक)को आयोजनामा गण्डकी प्रदेशमा बाल अधिकार समूहको प्रदेशस्तरीय सञ्जाल बैठक फागुन ४ गते सम्पन्न भएको छ । बैठकमा बाल अधिकार समूहहरूको कार्यप्रगति समीक्षा गर्दै आगामी योजनाका…
गण्डकीमा मानव अधिकार समूह परिचालन बैठक सम्पन्न
अनौपचारिक क्षेत्र सेवा केन्द्र (इन्सेक)को आयोजनामा प्रदेशस्तरीय मानव अधिकार समूह परिचालन बैठक फागुन ४ गते सम्पन्न भएको छ । बैठकमा समूहको कार्यप्रगति समीक्षा गर्दै आगामी योजनाका विषयमा छलफल गरिएको थियो…
मानव अधिकार समूहद्वारा वडालाई ध्यानाकर्षण पत्र
अनौपचारिक क्षेत्र सेवा केन्द्र (इन्सेक) लुम्बिनी प्रदेशद्वारा कपिलवस्तु नगरपालिकामा गठित मानव अधिकार समूहले कपिलवस्तु नगरपालिकाका-१ का वडा अध्यक्ष जाहिंद खानलाई फाल्गुन १ गते ध्यानाकर्षण पत्र बुझाएको छ । मानव अधिकार…
बाल अधिकार सचेतना समूहद्वारा कार्ययोजना बैठक सम्पन्न
अनौपचारिक क्षेत्र सेवा केन्द्र (इन्सेक) मधेस प्रदेशद्वारा सप्तरीको डाक्नेश्वरी नगरपालिकास्थित श्री हिरा फेक्नी माध्यमिक विद्यालयमा गठित बाल अधिकार सचेतना समूहले ०८१ माघ २४ गते कार्ययोजना बैठक सम्पन्न गरेको छ ।…
जिल्लास्तरीय लैङ्गिक हिंसा नियन्त्रण सञ्जालमा इन्सेक चयन
जिल्लास्तरीय लैङ्गिक हिंसा नियन्त्रण सञ्जालमा अनौपचारिक क्षेत्र सेवा केन्द्र (इन्सेक) ताप्लेजुङलाई सदस्यमा चयन गरिएको छ । सञ्जालको सदस्यमा इन्सेक ताप्लेजुङ, प्रतिनिधि एलिना दियाली चयन हुनु भएको हो । जिल्ला प्रहरी…