इन्सेक गतिविधिहरू

जिल्ला प्रहरी कार्यालय तनहुँका प्रमुख एसपी उमेशराज जोशीले इन्सेकको खबरदारीले नागरिकको मानव अधिकार संरक्षणमा टेवा पुगेको बताएका छन् ।

अनौपचारिक क्षेत्र सेवा केन्द्र (इन्सेक) तनहुँ र मानव अधिकार निगरानी समूहको आयोजनामा जेठ २५ गते दमौलीमा सम्पन्न नेपाल मानव अधिकार वर्ष पुस्तक-२०१८ का लागि संङ्कलित घटनाहरूको प्रकाशन पूर्व अर्धवार्षिक समीक्षा तथा जिल्लाको मानव अधिकारको अवस्था विषयक अन्तरक्रिया कार्यक्रममा बोल्दै एसपी जोशीले नागरिकको मानव अधिकारको संरक्षण र सुशासनको लागि इन्सेक जस्ता खबरदारी निरन्तर आवश्यक रहेको बताए ।

केही वर्षअघिसम्म मानव अधिकार भन्नासाथ प्रहरी, सेना जस्ता राज्यका संयन्त्रलाई गाली गर्ने विरोधी भन्ने गरिएको भएपनि अहिले मानव अधिकार नागरिकका आधारभुत अधिकारसँग बढी सम्बन्धित भएको एसपी जोशीको भनाइ थियो । मानव अधिकार संरक्षण गर्न प्रहरी निकै सचेत भएको भन्दै उनले अहिले नयाँ बन्दै गरेका प्रहरी कार्यालयको हिरासतगृह मानव अधिकारमैत्री भएको बताए ।

कार्यक्रममा इन्सेक तनहुँ जिल्ला प्रतिनिधिले सन २०१७ को पहिलो ६ महिनाको जिल्लाको मानव अधिकारको अवस्थाको बारेमा प्रतिवेदन प्रस्तुत गरेका थिए ।

प्रकाशचन्द्र भट्टराई