इन्सेकको आयोजनामा युवाहरूलाई मतदाता शिक्षा प्रदान

अनौपचारिक क्षेत्र सेवा केन्द्र (इन्सेक) तनहुँको आयोजना तथा जिल्लास्तरीय युवा समितिको संयोजनमा पहिलो पटक मतदान गर्ने तयारीमा रहेका युवाहरूलाई लक्षित गरी मङ्सिर १२ गते मतदाता शिक्षा प्रदान गरिएको छ ।

निर्वाचनको महत्व, मतदानको प्रक्रिया, मतदान दिने तरिका, मत बदर नहुने अवस्थालगायतका विषयमा युवाहरूलाई जानकारी दिने उद्देश्यले सो कार्यक्रम आयोजना गरिएको थियो ।

सो कार्यक्रममा निर्वाचन शिक्षा प्रशिक्षक नर्वदा काफ्लेले मतदानको प्रक्रिया र महत्वको बारेमा युवाहरूलाई सहजिकरण गरेकी थिइन् । कार्यक्रममा २५ जना युवाहरूको सहभागिता रहेको थियो ।

प्रकाशचन्द्र भट्टराई