इन्सेक गतिविधिहरू

अनौपचारिक क्षेत्र सेवा केन्द्र (इन्सेक) बागमती प्रदेश कार्यालयको आयोजनामा ०७८ चैत १८ गते भीमेश्वर नगरपालिकामा आवासको अधिकारसम्बन्धी सरोकारवालाहरूबीच अन्तरक्रिया कार्यक्रम सम्पन्न गरिएको छ ।

मानव अधिकार समूह भीमेश्वर नगरपालिकाको आयोजना तथा इन्सेकको सहयोगमा जिल्ला सदरमुकाम चरिकोटमा सो कार्यक्रम सम्पन्न गरिएयो ।

कार्यक्रमका सहभागीहरूले आवास अधिकारका सम्वन्धमा सचेतनाका कार्यक्रम नभएको, २०७२ सालको भुकम्पका कारण भीमेश्वर नगरपालिका भित्रका अधिकांश घर ध्वस्त भएको, आवास निर्माणका लागि सरकारले अनुदान उपलव्ध गराए तापनि निर्माण सामग्रीको अत्याधिक मूल्यवृद्धिका कारण लाभग्राही ऋणमा डुबेको, वास्तविक पीडितको नाम लाभग्राही सूचिमा नपरेको, प्राविधिक समयमा उपलव्ध नहुनु जस्ता समस्या झेल्नु परेको बताए ।

सार्वजनिक तथा नीजि घरहरू अपाङ्ग, जेष्ठ नागरिक तथा बालमैत्री अझै बन्न नसकेको आवास निर्माण सामग्रीको बजार भाउको नियण्त्रण हुन नसकेको, समयमा नक्सा पास नहुने र प्राविधिक सहयोग नपांउनु, आवासको अधिकारसम्बन्धी आवस्यक कानुन निर्माण नभएको गुनासो अधिकांश सहभागीको रहेको थियो ।

कार्यक्रममा भीमेश्वर नगरपालिका उपप्रमुख कमला बस्नेतले प्राविधिक नगरपालिकाको प्रत्येक बडामा व्यवस्था गरिएको छ तर काममा ढिलासुस्ती भएमा नगरपालिकाले छिटोछरितो ढङ्गबाट काम गर्न सम्बन्धित फाटलाई जनकारी गरांईने, आवासका नक्सा पासमा ढिलासुस्ती वा काममा अवरोध भएमा तुरुन्त स्थानीय सरकारका चुनिएका जनप्रतिनिधीलाई खबर गर्न आग्रह गर्नुभयो ।

ऐतिहांसिक पुरातात्कि शहरमा भवन निर्माण गर्ने घरमुलीलाई प्रोत्साहन स्वरुप नगरपालिकाले पचास हजार रुपैयाँ सहयोग गरेको पनि उहाँले बताउनुभयो ।

भीमेश्वर नगरपालिकाका इन्जिनिएर रामजी थापाले बालमैत्री, जेष्ठ तथा अपाङ्ग मैत्री आवास निर्माणका लागि नगरपालिकावाट भर्खरै कानुन पारित गरिएको, प्राविधिका कर्मचारिले आवास निर्माणका चरणमा कुनै दुख, ढिलासुस्ती गरेमा सिधै नगरपालिकाको प्राविधिक शाखामा जानकारी गराउन आग्रह गर्नुभयो ।

उद्धव पोखरेल