इन्सेक गतिविधिहरू

जिल्लामा सन् २०२२ को ६ महिनामा नौ ओटा मानव अधिकार उल्लङ्घन तथा ज्यादतीको घटना भएको अनौपचारिक क्षेत्र सेवा केन्द्र इन्सेकले प्रतिवेदन सार्वजनिक गरेको छ । पत्रकार महासङ्घको सभाहलमा असार ६ गते आयोजित नेपाल मानव अधिकार वर्ष पुस्तक २०२३ को अर्ध वार्षिक समीक्षा कार्यक्रममा सरोकारवालाबिच प्रतिवेदन सार्वजनिक गरेको गरिएको हो ।

इन्सेक प्रतिनिधिले ६ ओटा बलात्कार, एक ओटा स्वास्थ्यकर्मीमाथि दुव्र्यवहार, एक ओटा जेष्ठ नागरिक हत्या र एक ओटा जेष्ठ नागरिक अङ्गभङ्ग घटना सार्वजनिक गरिएको छ ।

बालविज्याँई गरेका कारण दुई जना बालक सुधारगृह पठाइएको र हाडनातामा बलात्कारका घटना समेत पाइएकाले सचेतनामूलक कार्यक्रम सञ्चालनमा जोड दिइएको छ ।

परिवारकै सदस्यबाट जेष्ठ नागरिकको हत्या र छिमेकीबाट जेष्ठ नागरिकको आँखा देख्न नसक्ने गरीको कुटपिट समेत समीक्षा कार्यक्रममा छलफलको विषय बनेको छ ।

कार्यक्रमका प्रमख अतिथि फुङलिङ नगरपालिका मेयर अमिर मादेनले मानव अधिकारको विषयमा नगर सरकारको मात्र नभई सबैको साझा विषय भएको बताउनु भयो ।

व्यक्तिको नैसर्गिक अधिकार भएकाले मानवअधिकारको विषय संवेदनशिल भएको मेयर मादेनले बताउनु भयो । मेयर मादेनले भन्नुभयो “हिरासतमा प्रहरीले यातना दिएको अपुष्ट खबर आउँछ । आशा छ, त्यस्तो नहोस् ।” मानवअधिकारको विषयमा कोठामा भन्दा सार्वजनिक स्थानमा कार्यक्रम गर्न सुझाव दिनुभयो ।

प्रमुख जिल्ला अधिकारी महेशकुमार पोखरेलले इन्सेकको वर्षपुस्तक मानव अधिकारको दस्तावेज भएको बताउनु भयो । मानव अधिकारको विषयमा वकालत गर्न सबैको हातमालो हुनुपर्ने प्रजिअ पोखरेलले जोड दिनुभयो । प्रजिअ पोखरेलले भन्नुभयो “कारागारको अवस्था उल्लेख हुनुपर्छ । तीबाहेक आर्थिक, सामाजिक र सांस्कृतिक अधिकारका विषय पनि समावेश हुनुपर्छ ।”

पत्रकार महासङ्घका अध्यक्ष आनन्द गौतमले इन्सेकको कार्यक्रममा मानव अधिकारको विषयमा बहस हुने गरेको स्मरण गर्नुभयो । अरूले पनि मानव अधिकारको विषयमा वकालत गर्नुपर्नेमा अध्यक्ष गौतमले जोड दिनु भयो ।

सरकारी वकिलको कार्यालयका न्यायधिवक्ता रमेश भटराईले नागरिकको मानवअधिकारको संरक्षणमा सबैले मिलेर काम गर्नुपर्ने बताउनु भयो ।

इन्सेकले वर्षपुस्तकका कुनै घटना नछुटुन भनेर सरोकारवालासँग समीक्षा कार्यक्रम गर्ने गरेको छ ।

कार्यक्रममा डिएसपी कैलाशकुमार राई, कारागार प्रमुख कुलेन्द्र खवास, नेपाल वार इकाईका सचिव बलराम भट्टराई, पत्रकार महासङ्घका संस्थापक अध्यक्ष मनमणि काफ्ले लगायत जनप्रतिनिधि, कर्मचारीको सहभागिता थियो ।

देवराज गुरुङ