अर्ध वार्षिक पूर्व समीक्षा कार्यक्रम सम्पन्न
अनौपचारिक क्षेत्र सेवाा केन्द्र (इन्सेक) द्वारा प्रकाशन हुने ‘नेपाल मानव अधिकार वर्ष पुस्तक २०२३’ को लागि जिल्लामा स ङ्कलित घटनाको अर्ध वार्षिक पूर्व समीक्षा कार्यक्रम असार १३ गते धादिङबेसीमा सम्पन्न भयो ।
जिल्लामा मानव अधिकार उल्लङ्घन तथा ज्यादतीका २० ओटा घटना अभिलेख गरिएको इन्सेक जिल्ला प्रतिनिधि सीताराम अधिकारीले प्रतवेदन प्रस्तुत गर्नुभयो ।
जिल्लामा ६ महिनाको अवधीमा स्थानीय तह निर्वाचनको समयमा भएको नौ ओटा कुटपिटको घटनामा ३३ जना घाइते भएको, दुई ओटा घर तोडफोड, एउटा लुटपाटको घटना भएको उल्लेख छ ।
यसैगरी, जातिय छुवाछुतको दुई ओटा, बाल बलात्कारको एक ओटा, गाउँ निकालाको एक ओटा, बालबालिका कुटपिटको दुई ओटा, कर्मचारी कुटपिटको एक ओटा, वृद्ध हत्या एक ओटा घटना भएको छ ।
कार्यक्रममा जिल्ला समन्वय समितिका उपप्रमुख कुलमान विकले मानव अधिकारप्रति प्रतिवद्धता जनाउँदै मानवअधिकार घटना थाहा पाउन इन्सेकले प्रकाशन गर्ने वर्ष पुस्तक महत्वपुर्ण भएको उल्लेख गर्नुभयो ।
जिल्ला अदालतका श्रेस्तेदार खुमप्रसाद भण्डारीले आफैले बनाएको कानुन राजनितिक दलले उल्लङ्घन गरेर मौन अवधीमामा कानुनको उल्लङ्घन गरेको बताउनुभयो ।
नेकपा माओवादी केन्द्रका जिल्ला संयोजक मनराज भण्डारी शैलेशले विद्यमान कानून कार्यान्वयन गर्न कडाईका साथ कार्यान्वयन गर्नुपर्नेमा जोड दिनुभयो ।
मौनअवधीमा आचारसंहिता बढि उल्लङ्घन भएकोले यसलाई सुधार गर्नुपर्ने उहाको भनाई छ ।
जिल्ला सहायक न्यायधिवक्ता प्रकाश सुवेदीले मानवअधिकार संरक्षणका लागि सबैले काम गर्नुपर्ने बताउनुभयो ।
बवेवारिसे शव र बेवारिसे मानवको व्यवस्थापनमा सरकारले काम गर्ने बताउनुभयो ।
कार्यक्रममा जिल्ला प्रहरी कार्यालय इन्स्पेक्टर धर्मजंग थिङ, नेपाल बार एसोसिएसन धादिङका अध्यक्ष कृष्णराज अधिकारी, अधिवक्ता विश्वराज अधिकारी, विष्णु कुमार श्रेष्ठ, महिला अधिकारकर्मी गायत्री खतिवडा, प्रेसचौतारीका पुर्व केन्द्रीय सदस्यकेशव अधिकारी, अधिकारकर्मी श्याम मगराती, मानवअधिकार एलायन्सका बेगबहादुर सुनार लगायतले मानवअधिकार वर्ष पुस्तकमा स्वास्थ्यको अधिकारबारे उल्लेख गर्न आग्रह गर्दै सबैको पहुँचमा नेपाल मानव अधिकार वर्ष पुस्तक पुग्नु पर्ने बताउनु भयो ।
इन्सेक बागमती प्रदेश कार्यालय, हेटाैँडा
सम्बन्धित इन्सेक गतिविधिहरू
अधिकार तथा आर्थिक विकासमार्फत महिला सशक्तिकरण कार्यक्रमको वार्षिक समीक्षा कार्यशाला सम्पन्न
अनौपचारिक क्षेत्र सेवा केन्द्र (इन्सेक) को साझेदारीमा डब्लुपीडी नेपालले मनहरीमा सञ्चालित अधिकार तथा आर्थिक विकासमामार्फत महिला सशक्तीकरण कार्यक्रम (रिन्यु परियोजना) को वार्षिक समीक्षा कार्यशाला गोष्ठी ०८० असोज १३ गते सम्पन्न…
सार्वजनिक सरोकार र महिलामाथि हुने हिंसाका बारेमा स्थानीय सरकार र महिलाहरूबीच अन्तर्क्रिया कार्यक्रम
स्थानीय सरकारसँग जोडिएका सार्वजनिक सरोकारको विषयमा मनहरी गाउँपालिका-३ मा सार्वजनिक सुनुवाई कार्यक्रम सञ्चालन भएको छ । अनौपचारिक क्षेत्र सेवा केन्द्र (इन्सेक) को आयोजनामा मनहरी गाउँपालिका-३ को सार्वजनिक सरोकार र महिलामाथि…
बाल अधिकार सचेतना समूहको पुनर्गठन र कार्ययोजना निर्माण कार्यक्रम सम्पन
अनौपचारिक क्षेत्र सेवा केन्द्र (इन्सेक) मधेस प्रदेश कार्यालयको आयोजनामा मिथिला नगरपालिका–२ स्थित जनता माध्यमिक विद्यालय नक्टाझिजमा बालाधिकार सचेतना समूहको पुनर्गठन र कार्ययोजना निर्माण कार्यक्रम सम्पन्न भएको छ । अनौपचारिक क्षेत्र…
मनहरी गाउँपालिकामा स्थानीय तह र यसले प्रदान गर्ने सेवासम्बन्धी अन्तर्क्रिया कार्यक्रम सम्पन्न
अनौपचारिक क्षेत्र सेवा केन्द्र (इन्सेक) को आयोजनामा मकवानपुर जिल्लाको मनहरी गाउँपालिकामा स्थानीय तह र यसले प्रदान गर्ने सेवासम्बन्धी अन्तर्क्रिया कार्यक्रम ०८० असोज ११ गते सम्पन्न भएको छ । उक्त कार्यक्रममा…
घरेलु हिंसा तथा लैंङ्गिक विभेद अन्त्यका लागि कानुनी सचेतना कार्यक्रम सम्पन्न
घरेलु हिंसा तथा लैङ्गिक विभेद जस्तो कुप्रथालाई अन्त्य गर्नका लागि जिल्लाको दलित बस्तीमा कानुनी सचेतना कार्यक्रम सञ्चालन गरिएको छ । इन्सेक कालिकोट र मानव अधिकार रक्षक सञ्जालको आयोजनामा घरेलु हिंसा…