इन्सेक गतिविधिहरू

इन्सेक रुपन्देही, गैसस महासंघ लगायतका सङ्घ संस्थाहरूको आयोजनामा फागुन २८ गते लैङ्गिक समानताको बलियो आधार सृजनात्मक प्रविधिमा महिलाको पहुँच बिस्तार भन्ने मुल नाराका साथ अन्तरक्रिया कार्यक्रममा सम्पन्न भएको छ ।

गैरसरकारी संस्था महासंघ नेपालका केन्द्रिय सदस्य गोविन्दप्रसाद रेग्मीले प्रविधिमा पहुँच विस्तारसँगै सही प्रयोग गर्न सके दिवशले सार्थकता पाउने भन्दै संविधानले प्रदत्त अधिकार कार्यान्वयन हुन सके लैंगिक बिभेद नहुने बताउनु भयो ।

अधिवक्ता गौमती सुनारले महिलालाई प्रविधिमा पहुँच पुगेको कारण सूचनामा पहुँच बढेको र कतिपय प्रविधिको सही सदुपयोग नभएका कारण पारिवारीक विखण्डन र सम्बन्ध विच्छेदका घटनाहरु बढेको बताउदै प्रविधिलाई सही तरीकाले प्रयोग गर्न सचेतना अभिवृद्धिका लागि राज्यले ध्यान दिनुपर्ने बताउनु भयो ।

सुनारले प्रविधिको पहुँचको कुरा गर्ने शहरका महिलाको तुलनामा ग्रामिण क्षेत्रका महिलाहरूको पहुँच पुग्न नसकेकोले त्यसतर्फ ध्यान दिनुपर्ने बताउनु भयो ।

इन्सेक रुपन्देहीका जिल्ला प्रतिनिधि रीमा बिसीले अन्तराष्ट्रिय श्रमिक महिला दिवशमा महिलाहरुले वर्षभरी गरेका कामको समीक्षा गर्ने उत्सवका रुपमा मनाउदै महिलाहरूले प्राप्त गरेको पदिय दायित्व, काम, कर्तब्य, अधिकारको पालना गरी आफूलाई अद्यावधिक गर्दै विभेदविरूद्ध प्रतिवाद गरि अगाडी बढन सके महिलाहरु अधिकारबाट वञ्चित हुन नपर्ने बताउनु भयो ।

रीमा बिसी