प्रेस विज्ञप्तिहरू

बागलुङको निसीखोला गाउँपालिकामा २०८० चैत ५ गते साँझ भएको बस दुर्घटनामा इन्सेक रुकुम पूर्वका जिल्ला प्रतिनिधि विक्रम परियारको निधन भएको खबरले हामीलाई दुःखी तुल्याएको छ । सो  दुर्घटनामा अन्य नौ जनाको मृत्यु हुनुका साथै २० जना भन्दा बढी घाइते भएका छन् । परियार राष्ट्रिय दलित पत्रकार संघको राष्ट्रिय महाधिवेशनामा भाग लिन काठमाडौँतर्फ आउँदै हुनुहुन्थ्यो । मानव अधिकारको संरक्षण, संवर्द्धनका कार्यका साथै मानव अधिकारको अभिलेखमा रुची राख्ने उहाँको निधनले यस क्षेत्रमा अपूरणीय क्षति भएको छ । दुःखको यस घडीमा दिवंगत आत्माको चिरशान्तिको कामना गर्दै शोक सन्तप्त परिवारजनमा समवेदना व्यक्त गर्दछौँ ।

डा. कुन्दन अर्याल

अध्यक्ष