प्रेस विज्ञप्तिहरू

नेपालको मानव अधिकार आन्दोलनका अभिभावक एवम् सम्मानित व्यक्तित्व, वरिष्ठ जनस्वास्थ्य विज्ञ डा. मथुराप्रसाद श्रेष्ठको असामयिक निधनले हामीलाई दुःखी तुल्याएको छ । नेपालको बाम–प्रजातान्त्रिक आन्दोलनका योद्धा डा. श्रेष्ठले २०४६ सालको ऐतिहासिक जनआन्दोलनपछि बनेको अन्तरिम मन्त्रीमण्डलमा बाममोर्चाको प्रतिनिधित्व गर्नु भएको थियो ।

त्यसबखत नेपाललाई नागरिक तथा राजनीतिक अधिकारसम्बन्धी प्रतिज्ञापत्रलगायतका अन्तर्राष्ट्रिय महासन्धिहरूको पक्षराष्ट्र बनाउन उहाँले उल्लेखनीय भूमकिा निर्वाह गर्नुभएको थियो । २०६२–०६३ को जनआन्दोलनमा उहाँले गणतन्त्र–संविधानसभा अभियानको नेतृत्व गर्दै देशका विभिन्न भूभागको भ्रमण गर्नु भएको थियो ।

डा. श्रेष्ठ नेपालको मानव अधिकार तथा सामाजिक न्यायको अभियानमा सदा जीवित रहनु हुनेछ । स्वर्गीय मथुराप्रसाद श्रेष्ठप्रति हार्दिक श्रद्धाञ्जली अर्पण गर्दै शोक सन्तप्त परिवारजनमा समवेदना व्यक्त गर्दछौँ ।

 

डा. कुन्दन अर्याल
अध्यक्ष