अपहरण प्रयास घटनाका आरोपित गिरफ्तार

  ०७९ पुस २५ गते

लालबन्दी नपा–१ नवलपुरमा स्थानीय सुनचाँदी व्यवसायी रामकिशोर साहका छोरा १९ वर्षीय गुड्डु साहलाई पुस २४ गते अपहरण गर्ने प्रयास गरेको आरोपमा भारत देश सितामढी जिल्ला फुल्काहा ग्राम घर  भएका ३६ वर्षीय चुनु महतोलाई ईलाका प्रहरी कार्यालय नवलपुरले घटना स्थलबाट गिरफ्तार गरेको छ ।

चार जनाको समूहमा आएका अपरिचित व्यक्तिहरुले लालबन्दी नपा–१ नवलपुर स्थित पूर्व बसपार्क देखि दक्षिणतर्फ रहेको आफ्नो “मनकामना सुनचाँदी” नाम गरेको पसलबाट जबरजस्ती गाडीमा बसाउन खोजी अपहरणको प्रयास गरेको गुड्डु साहले बताए ।

अपहरण प्रयास गर्नेहरू मध्ये एक जना आरेपितलाई गिरफ्तार गरिसकेको तथा थप अनुसन्धानको लागी ईलाका प्रहरी कार्यालय नवलपुरमा राखीएको जिल्ला प्रहरी कार्यालय मलङ्गवाका एसपी नरेश राज सुवेदीले जानकारी दिएको छ । अन्य आरोपितहरूको खोजी कार्य भइरहेको सुवेदीले बताए ।

गिरफ्तार गरिएको आरोपितलाई स्थास्थ्य जाँचका लागि सर्लाही जिल्ला अस्पताल मलङ्गवामा लगिएको जिल्ला प्रहरी कार्यालय मलङ्गवाका एसपी सुवेदीले जानकारी दिए ।


बुधन साह