यौन दुर्व्यवहार घटनाका आरोपित गिरफ्तार

भरतपुर महानगरपालिका-१० बालमन्दिर रोडस्थित अरोमा कलेजमा कक्षा ११ मा अध्ययनरत विद्यार्थीमाथि यौन दुर्व्यवहार गरेको आरोपमा सोही कलेजका शिक्षक ५२ वर्षीय रामकृष्ण सुवेदीलाई प्रहरीले ०७९ पुस ५ गते गिरफ्तार गरेको छ ।

आफूहरूलाई कम्प्यूटर ल्यावमा काम गर्ने शिक्षकले यौन दुर्व्यवहार गर्ने गरेको भन्दै विद्यार्थीले पुस ५ गते कलेज भित्र नाराजुलुस गरेका छन् । उत्तेजित विद्यार्थीको भीडले ढुङ्गा इँटा प्रहार गर्दा कलेजका केही कोठाका झ्यालका सिसाहरू फुटेका छन् ।

आरोपित शिक्षक गिरफ्तार भए पनि घटनाका सम्बन्धमा उजुरी नपरेको जिल्ला प्रहरी कार्यालयका डिएसपी विश्वराज पण्डितले जानकारी दिनु भयो ।


दिपेन्द्र अधिकारी