बलात्कार घटनाका आरोपित गिरफ्तार

  ०७७ फागुन ४ गते

१३ वर्षीया बालिकालाई बलात्कार गरेको आरोपमा धुलिखेल नगरपालिका–९ का ५३ वर्षीय पूर्णबहादुर नेपालीलाई प्रहरीले फागुन २ गते घरबाटै गिरफ्तार गरेको छ ।

पीडित बालिकाको आफन्तले आरोपितले माघ ३० गते बालिकालाई बलात्कार गरेको भन्दै जिल्ला प्रहरी कार्यालयमा फागुन २ गते आरोपितविरुद्ध दिएको उजुरीको आधारमा गिरफ्तार गरेको जिल्ला प्रहरी कार्यालयका डिएसपी कुमारविक्रम थापाले बताउनु भयो ।

डिएसपी थापाका अनुसार पीडित बालिकाको स्वास्थ्य परीक्षण धुलिखेल अस्पतालमा फागुन २ गते गरियो ।

आरोपितविरुद्ध करणी सम्बन्धी कसुरको दफा २१९ अनुसार जबरजस्ती करणी गर्न नहुने शीर्षकमा २०७७ फागुन २ गते मुद्दा दर्ता गरी अनुसन्धान थालिएको डिएसपी थापाले बताउनु भयो ।


हिरामान तामाङ