समाचारहरू

राजविराज नपा-९ स्थित पिस जोन मोडल सेकेण्डरी स्कूल अगाडि फागुन १७ गते सकेट बम फेला परेपछि पढ्न गएका विद्यार्थी र स्थानीयवासी आतङ्कित भएका छन् ।

विद्यालय अगाडि बम राखिएको स्थान नजिकै अखिल तराई जनतान्त्रिक मुक्ति मोर्चा (क्रान्तिकारी) को रातो पर्चा समेत फेला परेपछि स्थानीय त्रसित हुनुका साथै पठनपाठन समेत प्रभावित भएको विद्यालयका शिक्षकहरूको भनाइ छ ।

बेवारिसे अवस्थामा बाटोमा राखिएको सो बमलाई श्री कृष्ण दल गण राजविराजस्थित सेनाको बम डिस्पोजल टोलीले फागुन १७ गते नै डिस्पोज गरेको छ ।

विद्यालयका वार्डेन जयकृष्ण बिराजीले बिहान फोहोर फाल्ने क्रममा रातो पर्चासँगै बम देखेपछि प्रहरीलाई खबर गरेका थिए ।

जिल्ला प्रहरी कार्यालय सप्तरीका एसपी दिवेश लोहनीले बम भेटिएको स्थान नजिकै जयकृष्ण गोईत नेतृत्वको मोर्चाको पर्चासमेत फेला परेको र यसबारेमा अनुसन्धान भइरहेको बताए ।

मनोहरकुमार पोखरेल