बलात्कार घटनाका आरोपित गिरफ्तार

 

२८ वर्षीया महिलालाई बलात्कार गरेको आरोपमा प्रहरीले कोटहीमाई गाउँपालिका–१ का २८ वर्षीय जगलाल केवटलाई आरोपितको घरबाटै साउन १७ गते गिरफ्तार गरेको छ ।

पीडित महिलालाई आरोपितले साउन १७ गते बलात्कार गरेको भनी पीडितले सोही दिन इलाका प्रहरी कार्यालय लुम्बिनीमा उजुरी दिएकी थिइन् ।

पीडित महिलाले दिएको उजुरीका आधारमा आरोपितलाई गिरफ्तार गरी कारबाही अगाडि बढाइएको इलाका प्रहरी कार्यालय, लुम्बिनीका इन्स्पेक्टर शङ्कर पोखरेलले जानकारी दिए ।

पीडित महिलाको स्वास्थ परीक्षण साउन १७ गते नै भिम अस्पताल भैरहवामा गरिएको प्रहरीले जनाएको छ ।


रीमा बि.सी.