समाचारहरू

एनसेल कम्पनीको टावरमा आगजानी गरेको आरोपमा जिल्ला प्रहरी कार्यालय पर्वतले प्रतिबन्धित नेकपाका जिल्ला सदस्यलाई गिरफ्तार गरेको छ ।

 

साउन १५ गते एनसेलको टावरमा आगजानी गरेको आरोपमा पर्वत प्रहरीले विप्लव नेतृत्वको नेपाल कम्युनिष्ट पार्टीका जिल्ला सदस्य ४३ वर्षीय विश्वप्रकाश जङ्ग लामिछानेलाई गिरफ्तार गरेको हो ।

 

साउन १५ गते बुधबार राति मोदी गाउँपालिका–६ तिलाहारको थानाकोट भन्ने स्थानमा रहेको एनसेल कम्पनीको टावरमा आगजानी भएको थियो । प्रहरीले अनुसन्धानका क्रममा सोही ठाउँका लामिछानेलाई साउन १८ गते गिरफ्तार गरेको जनाएको छ ।

सन्तोष थापा