समाचारहरू

स्थानीय तहको निर्वाचनमा पार्टी प्रचारमा रहेका जन्तेढुङ्गा गाउँपालिका-२ का एमाले कर्याकर्ता सन्तोष राईलाई जेठ १८ गते धारिलो हतियार प्रहार गरी आक्रमण गरेको आरोपमा प्रहरीले सोही ठाउँका माओवादी केन्द्रका कार्यकर्ता शक्तिराज राईलाई जेठ १९ गते गिरफ्तार गरेको छ ।

पीडित राईका अनुसार सामान्य भनाभनबाट विवाद सुरु भएपछि आरोपितले खुर्पाले आफूमाथि जथाभावी प्रहार गरेर घाइते बनाएका हुन् ।

हतियार प्रहारबाट पीडितको घुँडामा गहिरो चोट लागेकोले उनको सामान्य उपचार स्वास्थ्य चौकी वोपुङमा गरेपछि थप उपचारका लागि जेठ १९ गते इलाका स्वास्थ्य कार्यालयमा लगिएको एमालेका जिल्ला अध्यक्ष बबि चाम्लिङले बताए ।

घटनापश्चात नेकपा एमाले जन्तेढुङ्गा गाउँपालिका कमिटीले एक प्रेस विज्ञप्ति जारी गरी आरोपितमाथि कडा कारबाही गर्न माग गरेको छ ।

पीडित पक्षको उजुरीका आरोपमा आरोपितलाई अनुसन्धानका लागि गिरफ्तार गरी घटनाको सुक्ष्म अनुसन्धान गरिरहेको प्रहरीले जनाएको छ ।

सुनिता मगर