समाचारहरू

हलेसी तुवाचुङ नपा-२ स्थित डिकुवाका नेपाली काङ्ग्रेसका 'बाल' कार्यकर्ता १७ वर्षीय अर्जुन राउतमाथि कुटपिट गरेको आरोपमा सल्ले गाविसस्थित एमालेका कार्यकर्ता ३१ वर्षीय धनबहादुर राईलाई जेठ २५ गते गिरफ्तार गरेको छ ।

पीडित पक्षको उजुरीका आधारमा अनुसन्धानका लागि आरोपितलाई गिरफ्तार गरिएको जिल्ला प्रहरी कार्यालय खोटाङका डिएसपी नविनकिशोर प्रधानले जानकारी दिए । कुटपिटबाट गम्भीर घाइते भएका राईको दुर्छिम इलाका स्वास्थ्य चौकीमा उपचार भइरहेको र घाइतेको आँखा र ढाडमा गहिरो चोट रहेको डिएसपी प्रधानले बताए ।

घरमा पार्टीको झण्डा राखेको विषयमा जेठ २३ गते काङ्ग्रेस र एमाले कार्यकर्ताबिच विवाद उत्पन्न भएकोमा जेठ २४ गते दुवै पार्टीका कार्यकर्ताहरू बसेर छलफल गरी विवाद नगर्ने सहमति गरेकोमा उक्त सहमतिको केही समयपछि पुनः विवाद भएपश्चात कुटपिट भएको बताइएको छ ।

सुनिता मगर