बलात्कार तथा यौन दुर्व्यवहार घटनाका आरोपित गिरफ्तार

 

११ वर्षीया बालिकालाई बलात्कार र १० वर्षीया बालिकालाई यौन दुर्व्यवहार गरेको आरोपमा प्रहरीले सङ्खुवासभा जिल्लाको सभापोखरी गाउँपालिका-६ घर भई नुवाकोट शिवपुरी गाउँपालिका-८ बस्ने २६ वर्षीय ध्रुव राईलाई साउन ७ गते गिरफ्तार गरेको छ ।

पुनर्निर्माणको काम गर्न केही समय अघि जिल्लामा आएका आरोपितले साउन ३ गते ११ वर्षीया बालिकालाई बलात्कार गरी साउन ४ गते १० वर्षीया बालिकालाई यौन दुर्व्यवहार गरेको भन्दै पीडित पक्षले आरोपित विरूद्ध साउन ७ गते जिल्ला प्रहरी कार्यालय नुवाकोटमा उजुरी दिएको उक्त कार्यालयका एसपी कृष्णबहादुर पल्लीमगरले बताए ।

उक्त उजुरीको आधारमा आरोपितलाई गिरफ्तार गरी अनुसन्धान सुरू गरिएको एसपी पल्लीमगरले बताए ।

पीडित बालिकाहरूको स्वास्थ्य परीक्षण साउन ७ गते त्रिशूली जिल्ला अस्पतालमा गरिएको प्रहरीले जनायो ।


नवदीप श्रेष्ठ