१० ओटै मतदान केन्द्रमा भएको पुनः मतदान शान्ति पूर्वक सप्पन्न 

  ०७९ मङ्सिर १५ गते

छिटफुट घटना बाहेक दोलखामा भएको पुनः निर्वाचन शान्तिपूर्ण रूपमा सम्पन्न भएको छ ।

दोलखाका चार ओटा मतदानस्थलका १० ओटा केन्द्रमा ०७९ मङ्सिर १५ गते भएको मतदान शान्तिपूर्ण रुपमा सम्पन्न भएको हो ।

मतदानका क्रममा जफे, पुतलीकाठ र मिर्गेमा भने राजनीतिक दलका कार्यकर्ता बीच सामान्य झडप भएको थियो ।

बैतेश्वर गाउँपालिका वडा नं २ पुतलिकाठस्थित जनज्योति माविमा भएको निर्वाचनमा सामान्य झडप र उम्मेदवारको गाडी तोडफोड भएको छ । पुतलीकाठमा एमाले र गठबन्धनका कार्यकर्ताबीच विवाद हुँदा सामान्य झडप हुनुका साथै गठबन्धनको तर्फबाट प्रदेशसभा १ का उम्मेदवार कांग्रेस नेता कुण्दनराज काफ्ले चढेको गाडीमा ढुङ्गामुडा प्रहार भएको हो ।

Presentation1 IMG_20221201_152900

बैतेस्वोर वडा न ६ को मतदान केन्द्रमा निर्वाचन पर्यवेक्षण गर्दै इन्सेक कार्यसमिति सदस्य शोभाकर बुढाथाेकी र केन्द्रीय कार्यालयका कृष्ण गौतम

हेल्थपोस्ट मतदान केन्द्र जफेमा प्रदेश सभा १ का उमेदवार नरबहादुर श्रेष्ठमाथि गठबन्धनका कार्यकर्ताले नाराबाजी गर्दै झडपको अवस्था आयपछ प्रहरीले सुरक्षा दिएको थियो ।

यस्तै बैतेश्वरको मिर्गेस्थित कालिढुङ्गा मतदान केन्द्रमा पनि नाराबाजी भएको छ । पुतलीकाठमा कांग्रेस उम्मेदवार काफ्लेको गाडीमा ढुङ्गामुडा प्रहार भएपछि मिर्गेमा कांग्रेसका कार्यकर्ताले एमालेका उम्मेदवार विरुद्ध नारावाजी र अवरोध गरेका छन् ।

दिउँसो मिर्गे मतदान केन्द्रमा पुगेका एमालेका उम्मेदवार बालकृष्ण शिवाकोटी विरुद्ध कांग्रेस कार्याकर्ताले नारावाजी र प्रदर्शन गरेका हुन् ।

मङ्सिर ४ गते सम्पन्न प्रतिनिधिसभा र प्रदेशसभाको निर्वाचनमा बुथ कब्जा भएको भन्दै एमालेले उजुरी दिएपछि दोलखाको बैतेश्वर गाउँपालिकास्थित बैतेश्वर मावि नाम्दु, कालिढुंगा मावि मिर्गे, जनज्योति मावि पुतलीकाठ र तामाकोशी गाउँपालिकाको जफेस्थित जामुने मतदान केन्द्रमा आज पुनः निर्वाचन भएको हो । आज भएको निर्वाचनमा बैतेश्वर गाउँपालिका २ मा ९ सय ५५, बैतेश्वर ३ मा १२ सय ३८, बैतेश्वर ६ मा १२ सय ३४ र तामाकोशी गाउँपालिका ३ मा ८ सय ३० गरी जम्मा ४ हजार २ सय ५७ मत खसेको छ ।


उद्धव पोखरेल