समाचारहरू

तप्लेजुङको फुङलिङस्थित सिस्ने भिरमा गत फागुन १५ गते हेलिकप्टर दुर्घटनामा परी दिवङ्गत संस्कृति पर्यटन तथा नागरिक उड्डयन मन्त्री रविन्द्र अधिकारीलगायत सातै जना मर्तकप्रति श्रद्धाञ्जली अर्पणा गर्दै इन्सेकले परिवारजनमा शोक व्यक्त गरेको छ ।

इन्सेकका कार्कारी निर्देशक विजयराज गौतमद्वारा फागुन १७ गते एक विज्ञप्ति प्रकाशन गरी उक्त घटनाले दुखी तुल्याएको जनाइएको छ ।

विज्ञप्तिमा भनिएको छ-' संस्कृति पर्यटन तथा नागरिक उड्डयन मन्त्री रविन्द्र अधिकारी, पर्यटन व्यवसायी आङछिरिङ शेर्पा, नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ, नेपाल नागरिक उड्डयन प्राधिकरणका निर्देशक ध्रुवदास भोछिभया, प्रधानमन्त्री कार्यालयका उपसचिव युवराज दाहाल, हेलिकप्टरका चालक प्रभाकर केसी र मन्त्रीका अंगरक्षक नेपाली सेनाका जमदार अर्जुन घिमिरेको निधन भएको घटनाले हामीलाई दु:खी तुल्याएको छ ।'

मन्त्री अधिकारी, पर्यटन व्यवसायी शेर्पा लगायतको निधनले नेपालको विकास तथा पर्यटनका क्षेत्रमा अपूरणीय क्षति पुगेको पनि विज्ञप्तिमा उल्लेख छ ।

अनलाइन डेस्क