समाचारहरू

हिंसा पीडित २० वर्षीया महिलालाई कानुनी प्रक्रियामा जानका लागि इन्सेक लुम्बिनी प्रदेश कार्यालयले जेठ १७ गते सहयोग रकम प्रदान गरेको छ ।

पीडितलाई इन्सेक प्रदेश कार्यालय नेपालगञ्जले ८ हजार रूपियाँ आर्थिक सहयोग प्रदान गरेको हो ।

पीडित महिलालाई ०८० वैशाख ३० गते देवर २१ वर्षीय हरिस यादवले बलात्कार गरेको घटना ससुरा पट्टर यादव र जेठाजु उमेश यादवलाई जानकारी गराउँदा कुटपिट गरी घर निकाला गरिदिएको भन्दै जेठ १० गते जिल्ला प्रहरी कार्यालयमा पीडितले उजुरी दिनु भएको थियो ।

पीडितले कानुनी सहयोग तथा आर्थिक सहयोगको लागि इन्सेकमा जेठ १० गते  निवेदन दिनु भएको थियो । पीडितको माइती घर भारत भएकोले हाल आफन्तसँग बस्दै आउनु भएको छ ।

पीडित महिलाले देवरबाट पटक पटक यौनजन्य हिंसा हुदै आएको र प्रतिकार गर्दा आफूमाथि परिवारबाटै कुटपिट भएको पीडितले बताउनु भयो ।

इन्सेकलगायत सङ्घ संस्थामा आवद्ध अधिकारकर्मीहरूको पहलमा जिल्ला प्रहरी कार्यालयमा जेठ १७ गते घाउकेस फारम गरी भेरी अस्पतालमा उपचार भएको छ ।

लक्ष्मी थारू