बलात्कार घटनाका पीडितलाई इन्सेकको आर्थिक सहयोग

  ०८० फागुन १७ गते

२२ वर्षीया सुस्त मनस्थिती भएकी बलात्कार घटनाकी पीडित युवतीलाई अनाैपचारिक क्षेत्र सेवा केन्द्र (इन्सेक) मधेस प्रदेशले ०८० फागुन १७ गते आर्थिक सहयोग प्रदान गरेको छ ।

पीडितलाई इन्सेकका मधेश प्रदेश संयोजक राजु पासवान, वडा अध्यक्ष बिरेन्द्र कुमार साह र मानव अधिकार संरक्षण केन्द्र संजालका संयोजक उमेश बिसुन्कले संयुक्त रुपमा १० हजार रुपियाँकाे चेक हस्तान्तरन गर्नु भयाे ।

धनगढीमाई नगरपालिका–१० का ३७ वर्षीय आशाराम दासले युवतीलाई फागुन १३ गते बलात्कार गरेको भन्दै पीडित पक्षले आराेपित विरुद्ध इलाका प्रहरी कार्यालय लहानमा फागुन १४ गते उजुरी दिएको पीडितकी आमाले बताउनु भयाे । पीडितको स्वास्थ्य परीक्षण प्रादेशिक अस्पताल लहानमा फागुन १४ गते भयो ।

घटनाको जानकारी हुनासाथ आरोपितलाई फागुन १४ गते गिरफ्तार गरी जिल्ला अदालतबाट फागुन १५ गते ७ दिनको म्याद थप गराएको जिल्ला प्रहरी कार्यालय सिरहाका डिएसपी रविन्द्रराज पाण्डेले बताउनु भयो ।

इन्सेकका प्रदेश संयोजक राजु पासवानले पीडितको आर्थिक अवस्था कमजोर रहेको र उजुरी लेखाउन खर्च समेत नरहेको हुनाले पीडितलाई कानुनी प्रक्रिया र स्वास्थ्य उपचारको लागि सहयोग गरेको बताउनु भयो ।


दुर्गा परियार