समाचारहरू

लम्कीचुहा गनरपालिका–४ कौवापुरका ११ वर्षीय बालक धिरेन्द्र थापालाई धारिलो हतियार हसिया प्रहार गरी घाइते बनाएको आरोपमा प्रहरीले सोही ठाउँका ४५ वर्षीय प्रेमबहादुर विष्टलाई भदौ २३ गते गिरफ्तार गरेको छ ।

मानसिक स्वास्थ्य अवस्था ठिक नभएका आरोपितले विना कारण बालकमाथि भदौ २३ गते हसिया प्रहार गरी घाइते बनाएको आरोपमा पीडित पक्षले भदौ २३ गते नै इलाका प्रहरी कार्यालय, लम्कीमा उजुरी दिएको लम्कीचुहा गनरपालिका ४ का वडाध्यक्ष ताराप्रसाद अधिकारीले जानकारी दिनु भयो ।

घाइते बालकको टाउँकोमा गम्भिर चोट लागेकाले लालरत्न अस्पताल, लम्कीमा उपचार हुन नसेपछि थप उपचारका लागि कोहलपुर मेडिकल कलेज लगिएको वडाध्यक्ष अधिकारीले बताउनु भयो ।

पीडित पक्षको उजुरीका आधारमा आरोपितलाई भदौ २३ गते गिरफ्तार गरी अनुसन्धान भइरहेको ईलाका प्रहरी कार्यालय, लम्कीका इन्स्पेक्टर कान्तीराज जोशीले बताउनु भयो ।

मैनामोती चौधरी