समाचारहरू

हेटौँडा उपमहानगरपालिका-३, बसामाडी लेवटस्थित भुलन टोलमा बुबा ७३ वर्षीय रामजी मैनाली, आमा ६५ वर्षीया माया मैनाली र भाइ ४० वर्षीय केदार मैनालीको अंशको विषयलाई लिएर भएको घरायसी विवादमा कुटपिट गरी हत्या प्रयास गरेको आरोपमा ५० वर्षीय बद्रीनाथ मैनालीलाई प्रहरीले ०८० असोज ११ गते गिरफ्तार गरेको छ ।

आरोपित मैनाली विरुद्ध पीडित पक्षले असोज ११ गते जिल्ला प्रहरी कार्यालयमा उजुरी दिएको थियो ।

जिल्ला प्रहरी कार्यालयका डिएसपी लक्ष्मी भण्डारीका अनुसार आरोपितले असोज ११ गते घरायसी विवाद हुँदा आफ्नै परिवारलाई चिरपट प्रहार गरी हत्या प्रयास गरेका थिए । उक्त चिरपट प्रहारबाट पीडितहरू गम्भीर घाइते भएको उहाँले जानकारी दिनुभयो ।

घाइते बुबा र भाइको उपचार हेटौँडा अस्पतालमा भइरहेको छ भने आमालाई थप उपचारको लागि चितवनस्थित पुरानो मेडिकल कलेज पठाइएको छ ।

पुष्पराज अधिकारी