समाचारहरू

तामाकोसी गाउँपालिका-२, झुलेकी ६८ वर्षीया ज्येष्ठ नागरिक तारादेवी कार्की र आठ वर्षीया नातिनी सुहाना कार्कीलाई घरायसी विवाद हुँदा खुकुरी प्रहार गरी हत्या प्रयास गरेको आरोपमा सोही ठाउँका ७२ वर्षीय मोहनबहादुर कार्कीलाई प्रहरीले ०८० असोज ८ गते गिरफ्तार गरेको छ ।

पीडितहरूलाई आरोपितले असोज ७ गते खुकुरी प्रहार गरी हत्या प्रयास गरेको भन्दै पीडित पक्षले असोज ८ गते जिल्ला प्रहरी कार्यालयमा मौखिक उजुरी दिएको थियो ।

उक्त घटनाबाट पीडितहरू गम्भीर घाइते भएको अवस्थामा स्थानीयले उद्धार गरी प्रहरीमा जानकारी गराएको जिल्ला प्रहरी कार्यालयका इन्स्पेक्टर जीवन श्रेष्ठले बताउनु भयो ।

पीडितहरूको उपचार च्छोरोल्पा अस्पताल, चरिकोटमा भइरहेकोमा थप उपचारका लागि काठमाडौँ पठाउने तयारी भइरहेको घाइतेका छिमेकी कुमार कार्कीले जानकारी दिनुभयो ।

उद्धब पोखरेल