समाचारहरू

महालक्ष्मी नगरपालिका-६ लेगुवाकी ४० वर्षीया सरिता श्रेष्ठको हत्या गरेको आरोपमा प्रहरीले धनकुटा नगरपालिका-१० धर्मशालाका ३५ वर्षीय दिलबहादुर विशंखेलाई वैशाख १९ गते गिरफ्तार गरेको छ ।

आपसी विवादका क्रममा ०८१ वैशाख १९ गते आरोपितले घाँटीमा सलले बाँधेर हत्या गरेको आरोपमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी राजबाबु महर्जनले बताउनु भयो ।

मृतक सरिताका पति काठमाण्डौँमा बस्दै आएको र केही समययता दिलबहादुर र सरिताको सम्पर्क रहेको अनुसन्धानका क्रममा खुलेको डिएसपी महर्जनले बताउनु भयो । खाजा खाने क्रममा ०८१ वैशाख १९ गते विवाद भएको र सोही बेला सरितालाई घाँटीमा सलले बेरेरको हत्या गरेको बयान आरोपितले दिएको डिएसपी महर्जनले बताउनु भयो ।

शवको पोष्टमार्टम जिल्ला अस्पतालमा वैशाख २० गते गरिएको छ । पीडित पक्षलाई शव बुझाउने तयारी गरिएको प्रहरीले जनाएको छ ।

ईश्वर थापा