समाचारहरू

मध्यविन्दु नगरपालिका– १० का ६० वर्षीय होमबहादुर दराईको हत्या गरेको आरोपमा  ३५ वर्षीय छोरा रुपेश दराईलाई प्रहरीले मङ्सिर १६ गते गिरफ्तार गरेको छ ।

होमबहादुरलाई २०८० मङ्सिर १६ गते साँझ आफ्नै छोरा रुपेशले मादक पदार्थ सेवन गरेर घरायसी विवाद हुँदा कुचोको डाँठले हिर्काउँदा गम्भिर घाइते हुनुभएको थियो ।

उहाँको मध्यविन्दु जिल्ला अस्पताल डन्डामा उपचारको क्रममा सोही दिन मृत्यु भएको जिल्ला प्रहरी कार्यालयले जनाएको छ ।

घटनाका सम्बन्धमा थप अनुसन्धान भइरहेको प्रहरीले जनाएको छ ।

शवको पोष्टमार्टम मङ्सिर १७ गते जिल्ला अस्पतालमा भएको छ ।

ज्ञानु पंगेनी