समाचारहरू

बाणगंगा नगरपालिका– ६ की १८ वर्षीया अन्जनी थारू र ७० वर्षीय बमबहादुर थारूको हत्या गरेको आरोपमा प्रहरीले रुपन्देही जिल्ला  कञ्चन गाउँपालिका– २ का २२ वर्षीय मोहन थारूलाई जेठ १८ गते गिरफ्तार गरेको छ ।

आरोपितले अन्जनीलाई राखेको प्रेम प्रस्ताव अस्वीकार गरेको भन्दै जेठ १८ गते  रुपन्देहीबाट आएर चक्कु प्रहार गरी हत्या गरेको  प्रहरीले जनाएको छ ।

अन्जनीलाई चक्कु प्रहार गर्दा बचाउन पुगेका बमबहादुर घाइते भएका थिए । घटनाको खबर प्राप्त हुनासाथ इलाका प्रहरी कार्यालयको टोली घटनास्थल पुगेर घाइते दुबैजनालाई उपचारको लागि कपिलवस्तु सामुदायिक अस्पताल जितपुर पठाएको थियो ।

बमबहादुरको उपचारको क्रममा मृत्यु भएको र अन्जनीलाई थप उपचारकोलागि मेडिकल कलेज भैरहवा पठाएकोमा उपचारको क्रममा मृत्यु भएको जिल्ला प्रहरी कार्यालयका डीएसपी मिनबहादुर घलेले जानकारी दिनु भयो ।

दुबैजनाको शव पोष्टमार्टमकालागि कपिलवस्तु जिल्ला अस्पताल तौलिहवामा राखिएको छ ।

पार्वती आचार्य