समाचारहरू

थुलुङदुधकोशी गाउँपालिका –८ की ५४ बर्षिया डिल्लीकुमारी राईको हत्या गरेको आरोपमा प्रहरीले सोही ठाँउका ६६ वर्षीय तिब्बत राईलाई चैत १३ गते गिरफ्तार गरेको छ ।

चैत १० गते स्थानीय पानदेउ राईसँग आरोपित झगडा गरीरहेको अवस्थामा डिल्लीकुमारी छ्ट्याउन गएको बखत आरोपितले कुटपिट गरेका थिए ।

कुटपिटबाट घाईते भएकी डिल्लीकुमारीको जिल्ला अस्पतालमा उपचारका क्रममा चैत ११ गते मृत्यु भएको थियो ।

कुटपिट घटनाका आरोपित डिल्लीकुमारीको मृत्यु पछि फरार भएका थिए । आरोपितलाई चैत १३ गते घर फर्किएको अवस्थामा गिरफ्तार गरेको जिल्ला प्रहरी कार्यालयका इन्स्पेक्टर महेन्द्र दर्नालले बताउनुभयो ।

शवको पोष्टमार्टम चैत १२ गते गरी शव परिवारलाई बुझाएको प्रहरीले जनाएको छ ।

भोजराज कार्की