समाचारहरू

रामराजा मोहन विक्रम साह बहुमुखी क्याम्पसका क्याम्पस प्रमुख आदर्शकोत्वाल गाँउपालका-२ खजुरीया टोलका ४८ वर्षीय हरिभुषण कुशवाहालाई गोली हानी हत्या गरेको आरोपमा सोही टोलका नेपाली सेनाका भगौडा ४१ वर्षीय सुरेन्द्रप्रसाद कुशवाहालाई जिल्ला प्रहरी कार्यालयले ०८१ मङ्सिर १२ गते गिरफ्तार गरी मङ्सिर १३ गते सार्वजनिक गरेको छ ।

आरोपितले ०८१ जेठ ३२ गते क्याम्पस प्रमुख कुशवाहालाई आदर्शकोत्वाल गाँउपालिका-२ खजुरीया टोलमा गोली हानी हत्या गरेको आरोपमा मृतकका बुबाले असार १ गते जिल्ला प्रहरी कार्यालयमा उजुरी दिनुभएको थियो ।

शवको पोस्टमार्टम असार १ गते वीरगंजस्थित बयोदा अस्पतालमा भएको थियो ।

आरोपितलाई जिल्ला मोरङ् बिराटनगर महानगरपालिका-१ बाट गिरफ्तार गरेको जिल्ला प्रहरी कार्यालय बाराका एसपी महेन्द्र खड्काले जानकारी दिनुभयो ।

भोलानाथ पौडेल