समाचारहरू

धरान उपमहानगरपालिका-३ माछाभौडीकी १४ वर्षीया युनिसा साहीको हत्या गरेको आरोपमा प्रहरीले संखुवासभा जिल्ला, खाँदवारी नगरपालिका-२ स्थायी घर भइ धरान उपमहानगरपालिका-३ माछाभौडी बस्दै आएका २३ वर्षीय भविन बराललाई भदौ ११ गते गिरफ्तार गरेको छ ।

आपसी विवादका क्रममा आरोपितले ०८१ भदौ ११ गते १४ वर्षीया बालिका र बालिकाकी ३७ वर्षीया आमा सिर्जना साहीलाई खुकुरी प्रहार गरेको इलाका प्रहरी कार्यालय, धरानले जनाएको छ ।

खुकुरी प्रहारबाट घाइते भएका दुवै जनामध्ये युनिसाको वीपी कोइराला स्वास्थ्य विज्ञान प्रतिष्ठान धरान, घोपामा उपचारका क्रममा भदौ ११ गते मृत्यु भएको र सिर्जनाको उपचार भइरहेको प्रहरीले जनाएको छ ।

शव पोष्टमार्टमका लागि घोपाको शवगृहमा राखिएको छ ।

घटनाका विषयमा अनुसन्धान थालिएको प्रहरीले जनाएको छ ।

जयकृष्ण यादव