समाचारहरू

धरान उपमहानगरपालिका-१३ की २६ वर्षीया शोभा परियारलाई कुटपिट गरी हत्या गरेको आरोपमा प्रहरीले ३६ वर्षीय पति लक्ष्मी मोते र सासु ६० वर्षीया रत्नमाया मोतेलाई भदौ ७ गते गिरफ्तार गरेको छ ।

घरायसी विवादका क्रममा आरोपितले ०८१ भदौ ६ गते राति पत्नीलाई कुटपिट गरेको र शोभाको भदौ ७ गते बिहान मृत्यु भएको प्रहरीले जनाएको छ ।

आरोपितले भदौ ७ गते बिहान पत्नीको मृत्यु भएको भन्दै छिमेकी र माइती पक्षलाई खबर गरेपछि घटना शंकास्पद भएकाले अनुसन्धानका लागि पति र सासु आमालाई गिरफ्तार गरिएको इलाका प्रहरी कार्यालय, धरानले जनाएको छ ।

मृतकको शरीरका विभिन्न भागमा चोट लागेको र नाकबाट रगत बगेको अवस्थामा शव भेटिएकाले कुटपिटपछि मृत्यु भएको प्रहरीको भनाइ छ ।

शवको पोष्टमार्टम वीपी कोइराला स्वास्थ्य विज्ञान प्रतिष्ठान धरान, घोपामा भदौ ७ गते गरिएको छ ।

पीडित पक्षले भदौ ७ गते शव बुझी धरान उपमहानगरपालिका-१३ स्थित घाटमा सद्गत गरेको छ ।

जयकृष्ण यादव