समाचारहरू

इटहरी उपमहानगगपालिका-५ की १८ महिने बालिका आइन्सु लुइटेलको हत्या गरेको आरोपमा प्रहरीले ३० वर्षीय काकालाई गिरफ्तार गरेको छ ।

ब्लेडको प्रयोग गरी बालिकाको ०८१ साउन २६ गते हत्या गरेको आरोपमा प्रहरीले इटहरी उपमहानगगपालिका-५ पचरूखीका ३० वर्षीय काका सालीग्राम लुइटेललाई सोही दिन गिरफ्तार गरेको हो ।

हत्या घटनाका आरोपितले के कति कारणले हत्या गरेको खुल्न बाँकी भएपनि प्रारम्भिक अनुसन्धानका क्रममा आरोपितले डिप्रेसनको औषधि सेवन गर्दै आइरहेको खुलेको इलाका प्रहरी कार्यालय, इटहरीका इन्स्पेक्टर शम्भु बस्नेतले बताउनु भयो ।

शवको पोष्टमार्टम वीपी कोइराला स्वास्थ्य विज्ञान प्रतिष्ठान धरान, घोपामा साउन २८ गते गरिएको छ ।

पीडित पक्षले शव बुझी इहटरी उपमहानगरपालिका-४ स्थित बुढीखोला स्वर्गद्धारी घाटमा सद्गत गरेको छ ।

जयकृष्ण यादव