समाचारहरू

सानिभेरी गाउँपालिका–४, लामाचौरकी ४९ वर्षीया शुशिला मल्लको कुटपिट गरी हत्या गरेको आरोपमा चौरजाहरी नगरपालिका–११, माथिल्लो सर्केनाका २३ वर्षीय प्रेम मल्ललाई प्रहरीले ०८१ साउन २७ गते गिरफ्तार गरेको छ ।

पीडित महिलालाई आरोपितले साउन २२ गते विवाहको दबाबका कारण फलामको तावा, सिलौटो र लोहाेरोले कुटपिट गरी हत्या गरेको भन्दै पीडित पक्षले साउन २३ गते जिल्ला प्रहरी कार्यालयमा उजुरी दिएको थियो । पीडित पक्षले दिएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी नवराज पोखरेलले इन्सेकलाई जानकारी दिनुभयो ।

शवको पोष्टमार्टम साउन २३ गते खलङ्गास्थित जिल्ला अस्पतालमा भयो । पीडित परिवारले साउन २३ गते शव बुझी सोही दिन सद्गत गरेका थिए ।

बासुदेव शर्मा