समाचारहरू

बलरा नगरपालिका–४ जब्दी की २१ वर्षीया महिला पूजा देवी सहनीकाे ०८० माघ १६ गते हत्या गरेको आरोपमा ५८ वर्षीया सासु बनारसी देवी सहनीलाई जिल्ला प्रहरी कार्यालयले ०८० माघ १७ गते गिरफ्तार गरेको छ । अन्य आरोपितहरु फरार छन् ।

मृतक पूजा देवी सहनीको शव माघ १७ गते उनकै घर भित्र खाटमा शङ्कास्पद अवस्थामा फेला परेको जिल्ला प्रहरी कार्यालय मलंगवाका एसपी प्रविण धितालले बताउनु हुँदै मृत्कको घाँटी तथा शरीमा डाम समेत देखिएको उहाँले जानकारी दिनु भयो । घटना शङ्कास्पद रहेको हुनाले मृत्ककी सासु बनारसी देवी सहनीलाई माघ १७ गते घरबाटै नियन्त्रणमा लिएको एसपी धितालले बताउनु भयो । साथै उक्त घटनाका अन्य आरोपितहरु मृतककी २६ वर्षीय पति छोटेलाल सहनी र ६१ वर्षीय ससुरा जयनारायण सहनी फरार रहेकोले खोज तलास भइरहेको एसपी धितालले जानकारी दिनु भयो ।

मृतक तथा आरोपितहरुका छिमेकी सुरेश कुमार सहनीका अनुसार माघ १५ गते पति, पत्नी, सासु र ससुरा बीच विवाद तथा झै–झगडा भएको जानकारी दिनु भयाे ।

शवलाई पोष्टमार्टमको लागि माघ १७ गते प्रादेशिक अस्पताल मलंगवा लगिएको एसपी धितालले जानकारी दिनु भयो ।

बुधन साह