हत्या गरेको आरोपमा आरोपितद्वय गिरफ्तार

  ०८० साउन २३ गते

मुसिकोट नगरपालिका–१ सल्लेमा की ५२ वर्षीया हस्तकली बुढाथोकीको हत्या गरेको आरोपमा प्रहरीले सोही ठाँउ की २३ वर्षीया सिर्जना बुढा बोहरा र मुसिकोट नगरपालिका– ५ टटेला की ३० वर्षीया शोभाकुमारी सुनारलाई साउन २१ गते घरबाट गिरफ्तार गरेको छ ।

मृतक आफ्नै घरको कोठामा बहिरबाट चुकुल लगाएको अवस्थामा साउन १९ गते लाश फेला पारेको थियो ।

आरोपितहरुले मृतकको शरीरबाट सुनको सिक्री,तिलहरी लगायत गहना र मोबाइल समेत झिकेर लिएको प्रहरी अनुसन्धानबाट खुुलेको जिल्ला प्रहरी कार्यालयका डिएसपी नमराज भट्टराईले जानकारी दिनु भयो ।

मृतकका छोरा शशिधर बुढाथोकीले साउन २२ गते कर्तव्य ज्यान एवं डाँका तथा आपराधिक उपद्रव मुद्दामा किटानी जहेरी जिल्ला प्रहरी कार्यालयमा दिएका थिए ।


हिरा परियार