समाचारहरू

हजुरबुबाको हत्या गरेको आरोपमा इलाका प्रहरी कार्यालयले ठोरी गाउँपालिकाको-२ गौतम नगरको डाँडा टोल का ३६ वर्षीय कृष्ण बहादुर खड्कालाई ०८० मङ्सिर १० गते गिरफ्तार गरेको छ ।

आरोपित खड्काले मङ्सिर १० गते दिउँसो ४ बजे कोदो कुट्ने लठ्ठी प्रहार गरी आफ्ना ८२ वर्षीय हजुरबुबा लक्ष्मण लामाको हत्या गरेको प्रहरीले जनाएको छ । लठ्ठी प्रहारबाट गम्भीर घाइते भएका लामाको उपचारको लागि अस्पताल लग्दै गर्दा बाटोमै मृत्यु भएको इलाका प्रहरी कार्यालय ठोरीका प्रहरी इन्पेक्टर सन्तोष राईले जानकारी दिनु भयाे ।

इन्स्पेक्टर राईका अनुसार लठ्ठी प्रहारबाट लामा लडेपछि खड्का घटनास्थलबाट फरार भएका थिए । यद्यपि स्थानीयहरूको सहयोगमा उनलाई घटना भएकै दिन नजिकैको सिसौ घारीमा लुकेर बसिरहेको अवस्थामा नियन्त्रणमा लिइएको जिल्ला प्रहरी कार्यालयका डिएसपी कुमार बिक्रम थापाले बताउनु भयो ।

शव पोस्टमार्टमका लागि वीरगंजस्थित नारायणी अस्पतालमा राखिएको र घटना बारे थप अनुसन्धान भइरहेको डिएसपी थापाले जानकारी दिनुभयो ।

शम्भुकुमार सुमन