समाचारहरू

हुम्ला जिल्लाको कारागारमा रहेका थुनुवाहरूले स्वास्थ्य उपचार नपाएको भन्दै गुनासो गरेका छन् । कारागारमा पुर्पक्षका लागि रहेका सर्केगाड गाउँपालिका-२ रिप गाउँका ४५ वर्षीय रङ्गमल महतराले हातगोडा र छाति दुख्ने गरेको बताएपनि उपचार गर्नका लागि कसैले ध्यान नदिएको गुनासो गरेका छन् ।

यतिखेर पुर्पक्षका लागि तीन जना र प्रहरी हिरासतमा दुई जना बालबालिकालगायत अन्य तीन जना गरी आठ जना रहेका छन् । त्यस्तै आफ्नो अवस्था पनि करिबकरिब त्यस्तै रहेको अर्का थुनुवा धनलाल रोकायाको बताए ।

थुनुवा महताराका अनुसार आफ्नो स्वास्थ्य गडबडी भएको एक महिना भइसक्दा पनि कारागारका कर्मचारीले बेवास्ता नगरेको गुनासो गरेका छन् ।

निमित्त जेलर डवल रावतलाई बुझ्दा थुनुवाहरूले आफूलाई जानकारी नगराएकोले उपचार हुन नसकेको बताए ।

उनले भने-'बिरामी छौँ भनेको भए स्वास्थ्यकर्मीलाई त्यतै झिकाएर पनि उपचार गर्थ्यौँ ।' त्यस्तै घाम तताउने सुविधा पनि नभएको थुनुवाको गुनासो रहेको छ ।

नन्द सिंह