समाचारहरू

सेती प्रादेशिक अस्पताल, धनगढीमा कार्यरत डाक्टर वेदप्रकाश पन्तलाई कुटपिट गरेको आरोपमा प्रहरीले धनगढी उपमहानगरपालिका–१३ का २४ वर्षीय कृष्ण रानालाई ०८१ फागुन ५ गते गिरफ्तार गरेको छ ।

डाक्टर पन्तले आइसीयुमा उपचारार्थ बिरामीहरुको चेकजाँच गरी फर्किने क्रममा बुवाको कुरुवा भई बसेका आरोपित रानाले फागुन ५ गते  एक्कासी कुटपिट गर्दा डाक्टर पन्तको चस्मा फुटेर मुखमा सामान्य चोट लागेको सेती प्रादेशिक अस्पताल, धनगढीका सूचना अधिकारी किशोरप्रसाद श्रेष्ठले बताउनु भयो ।

ड्युटीमै रहेका स्वास्थ्कर्मीमाथि आरोपितले एक्कासी आक्रमण गरी घाइते बनाएपछि आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, कैलालीका डिएसपी कविन्द्रसिह बोहराले बताउनु भयो ।

मैनामोती चौधरी