समाचारहरू

स्वच्छ निर्वाचन नागरिक अभियानद्वारा निष्पक्ष र भयरहित निर्वाचनका लागि भन्दै कलैयामा भदौ २७ गते सर्वपक्षीय छलफल गरेको छ ।

छलफल कार्यक्रममा अनौपचारिक क्षेत्र सेवा केन्द्र (इन्सेक)का अध्यक्ष सुबोधराज प्याकुरेलले सुशासनको लागि जनप्रतिनिधि आवश्यक भएकाले स्थानीय तहको चुनाव भयरहित र निष्पक्ष गराउन सबैको सहयोग हुनुपर्ने बताए ।

'असल समाज निर्माणको लागि तडकभडक रहित र सांस्कृतिक विभेद सबै मिलेर हटाउनुपर्छ ।'-उनले भने-'असोज २ गते हुन लागेको स्थानीय तहको चुनावमा सबै निर्वाचन पर्यवेक्षक मिलेर एकै ठाउँबाट राज्यलाई दबाव दिनुपर्छ ।'

कार्यक्रममा नेपाल मानव अधिकार सङ्गठनका अध्यक्ष इन्द्र अर्यालले स्वच्छ चुनावको लागि पर्यवेक्षण आवश्यक रहेको बताए ।

लक्ष्मी सोनार