समाचारहरू

मानव अधिकारको क्षेत्रमा क्रियाशील विभिन्न सङ्घसंस्थाहरूको सहभागितामा जेठ २८ गते स्वच्छ निर्वाचनका लागि नागरिक अभियानको जिल्ला समन्वय समिति गठन गरिएको छ ।

अगामी असार १४ गते हुन गइरहेको स्थानीय तहको दोस्रो चरणको निर्वाचन स्वच्छ, निष्पक्ष र भयरहित बनाउन सरोकारवालाहरूको ध्यानाकर्षण गर्ने र नागरिक स्तरबाट निर्वाचनको अनुगमन गर्ने उद्धेश्यले इन्सेकका जिल्ला प्रतिनिधि कोमलनिरन्जन भाटको संयोजकत्वमा जेठ २८ गते पाँच सदस्यीय स्वच्छ निर्वाचनका लागि नागरिक अभियानको जिल्ला समन्वय समिति गठन गरिएको हो ।

समन्वय समितिको सदस्यमा महिला अपाङ्ग महासङ्घकी नन्दकली राना, नियोक कञ्चनपुरका सचिव प्रभुनिधि पन्त, मानव अधिकार निगरनी समूहकी सदस्य अञ्जु भट्ट र कोक्यापकी फोकल पर्सन मेनुका साउद रहेका छन ।

समितिले निर्वाचन पूर्व, निर्वाचन अवधि र निर्वाचन पछि गरी स्थानीय तह निर्वाचनको सक्रियतापुर्वक पर्यवेक्षण गर्ने निर्णय समेत गरेको छ ।

निर्वाचन अवधिमा जिल्लाभर समन्वय समिति सदस्यहरू मार्फत १ सय भन्दा बढी पर्यवेक्षकहरू परिचालन गरिनेछन ।

कोमलनिरन्जन भाट