स्याङ्जामा निर्वाचन आचारसंहिता विपरीत गतिविधि

  ०७४ मङ्सिर २ गते

मङ्सिर १ गते हुने प्रतिनिधि सभा र प्रदेश सभाको मिति नजिकिएसँगै आचारसंहिता विपरीतका गतिविधि बढ्दै जान थालेको पाइएको छ ।

नेपाली काङ्ग्रेसले आचारसंहिता विपरीत विद्यालयहरूमा कार्यक्रम गरेको र सार्वजनिक शौचालयमा पार्टीको झण्डा, प्रचारप्रसार सामग्री राख्नुका साथै चुनावी कार्यालयको रूपमा प्रयोग गरेको जनाउँदै एमालेले जिल्ला निर्वाचन अधिकृतको कार्यालयमा उजुरी दिएको र सो विषयमा सम्बन्धित पक्षलाई सचेत गराईएको निर्वाचन आचारसंहिता अनुगमन अधिकृत थम्मन सिं गौतमले बताए ।

उनले कालिगण्डकी गाउँपालिका आदर्श मावि, जनहित मावि कालिगण्डकी र लर्सगा आधारभुत विद्यालयमा शिक्षामन्त्री एवम् नेपाली काङ्ग्रेसका उम्मेदवार गोपालमान श्रेष्ठले चुनावी कार्यक्रम गरेको भनी आएको उजुरीका विषयमा उम्मेदवार श्रेष्ठसँग कुरा गर्दा आफूले विद्यालयमा चुनावी कार्यक्रम नगरेको र शिक्षामन्त्री भएको कारण विद्यालयमा बोलाएकोले गएको र अबदेखि यो भेटघाट कार्य पनि नगर्ने बताएको निर्वाचन गौतमले बताए ।

वालिङ नगरपालिका वडा नं ८ मा रहेको सार्वजनिक शौचालयमा कार्यलय बनाएको विषयमा नगरपालिकालाई सोध्दा नगरपालिकाको नभएको र क्लवको कार्यालय भएको नगरपालिकाले बताएको र काङ्ग्रेसले त्यहाँबाट कार्यालय हटाउने बताएको अनुगमन अधिकृत गौतमले बताए ।


हिमलाल पराजुली