समाचारहरू

सिरानचोक गाउँपालिका-५ छोप्राकका स्थानीय युवाहरूको कुटपिटबाट छोप्राक प्रहरी चौकिमा कार्यरत २७ वर्षीय प्रहरी जवान नवराज केसी घाइते भएका छन् । मादक पदार्थ सेवन गरेका युवाहरूको कुटपिटबाट उनको टाउकोमा चोट लागेको प्रहरीको आरोप छ । घाइते केसीको उपचार गोरखा अस्पतालमा भएको प्रहरीले जनाएको छ ।

चैत २२ गते राति करिब १० बजेतिर छोप्राकको पहिचान ग्रिल उद्योगमा ढुङ्गामुढा भएको सूचना प्राप्त भएपछि घटना स्थल पुगेको प्रहरी टोलीलाई युवाहरूको समूहले कुटपिट गरेको जिल्ला प्रहरी कार्यालयका एसपी प्रकाश अधिकारीले जानकारी दिए ।

आक्रमणमा संलग्न भएको भन्दै सिरानचोक गाउँपालिका-५ का २६ वर्षीय सुरेश बानियाँ र सोही ठाउँका २६ वर्षीय सुमन बिकलाई प्रहरीले २२ गते राति गिरफ्तार गरेको छ ।

हरिराम उप्रेती