समाचारहरू

स्थानीय तह निर्वाचन ०७९ लाई स्वतन्त्र, निष्पक्ष र भय रहित बनाउन राजनीतिक दल र सुरक्षा निकायका प्रमुखहरूले प्रतिबद्दता गरेका छन् ।

डिसिएको सहयोगमा इन्सेक नेपालगञ्ज, राष्ट्रिय मानव अधिकार आयोग, नेपालगञ्ज,  र एफडब्लुएलडिको आयोजनामा चैत २४ गते नेपालगञ्जमा आयोजित स्थानीय तहको निवार्चनलाई स्वतन्त्र, निष्पक्ष र भय रहित बनाउन सरोकारवालाहरूको प्रतिबद्धता कार्यक्रममा राजनीतिक दल र सुरक्षा निकायका प्रमुखहरूले उक्त प्रतिबद्दता गरेका हुन् ।

जिल्ला प्रशासन कार्यालयका प्रमुख जिल्ला अधिकारी सुर्यबहादुर खत्रीले निर्वाचनलाई स्वतन्त्र, निष्पक्ष र भय रहित बनाउन सर्बदलीय बैठकहरू भइरहेको बताउदै राजनितिक दलहरूसँग  पनि आचार संहिताका विषयमा छलफल भइरहेको बताउनु भयो । खत्रीले सबै राजनितिक दलहरूले निर्वाचन आचार संहिताको पालना गरे विवाद, द्वन्द्व नहुने बताउनु भयो ।

जिल्ला प्रहरी कार्यालयका एसपी श्यामकृष्ण अधिकारीले कानुनले सबैलाई सम्मानरुपले हेर्ने भएकोले निर्वाचन आचार संहिता विपरित कुनै पनि राजनीतिक दलका कार्यकर्ताहरू गए कानुनि दायरामा ल्याउने बताउनु भयो । अधिकारीले निर्वाचनमा अपराधिक क्रियाकलाप गर्नेहरूलाई कुनै पनि राजनितिक दलहरूले सङ्रक्षण गर्न नहुने बताउनु भयो ।

राष्ट्रिय मानव अधिकार आयोग नेपालगञ्जका प्रमुख झङकरबहादुर रावलले स्थानीय निर्वाचनलाई भय रहित बनाउन  सबै पार्टीका कार्यकताहरू जिम्मेवार हुनुपर्ने बताउनु भयो ।

इन्सेक लुम्बिनी प्रदेश संयोजक भोला महतले निर्वाचनलाई स्वतन्त्र, निष्पक्ष र भयरहित बनाउन राजनितिक दलहरूको दायित्व , कर्तव्य र प्रतिवद्धता लिनकोलागि कार्यक्रमको आयोजना गरिएको बताउदै  निर्वाचन आचार संहिताको अक्षरश पालना गरे निर्वाचन स्वच्छ, निष्पक्ष र भय रहित हुने कुरामा जोड दिनु भयो ।

नेकपा एमालेका केन्द्रीय सदस्य दिपा शर्माले निर्वाचनलाई भयरहित बनाउन नेकपा एमाले प्रतिबद्ध रहेको बताउदै राजनीतिक दलका कार्यकताहरूले निर्वाचनलाई स्वतन्त्र आखाँले हेर्नु पर्ने बताउनु भयो ।

नेकपा एकिकृत समाजवादी पार्टीका केन्दीय सदस्य  आशोक कोइरालाले चुनावमा हुने आर्थिक चलखेललाई नियन्त्रण गर्न आवश्यक रहेको बताउनु भयो । उहाँले निर्वाचनलाई द्वन्द्व गराउने पक्षलाई कानुनी दायरामा ल्याउन सके  निर्वाचन भय रहित हुने धारणा राख्नु भयो ।

कोइरालाले निर्वाचन आचार संहिता कार्यान्वयनमा ल्याउन  सबै राजनीतिक दलहरू एकबद्ध हुनुपर्ने बताउनु भयो ।

नेपाली कांग्रेशका बाँके जिल्ला सचिव सुधांसु कोइरालाले निर्वाचन प्रकृया स्वतन्त्र र विश्वसनियता हुनुपर्ने बताउँदै निर्वाचन आचार संहितालाई कार्यान्वयनमा ल्याउन र निर्वाचनलाई भयरहित बनाउन नेपाली कांग्रेश प्रतिवद्ध रहेको बताउनु भयो ।

स्मृति देवकोटा