समाचारहरू

निर्वाचन आयोगले सरकारले गरेको निर्णय अनुसार २०७४ वैशाख ३१ गते स्थानीय तहको निर्वाचन गर्न कार्यतालिका सार्वजनिक गरेको छ ।

कार्यतालिका अनुसार २०७४ वैशाख १६ गते उम्मेदवारको मनोनयन दर्ता, वैशाख १७ गते उम्मेदवारीविरुद्धको उजुरीका लागि समय तोकिएको आयोगद्वारा फागुन ११ गते जारी विज्ञप्तिमा उल्लेख छ ।

उक्त सबै कार्यहरू गाउँपालिका र नगरपालिकामा रहेका मुख्य निर्वाचन अधिकृतको कार्यालयबाट हुने समेत विज्ञप्तिमार्फत आयोगले जनाएको छ ।

यसैगरी उम्मेदवारको नामावली प्रकाशन वैशाख १८ गते र सोही दिन उम्मेदवारी फिर्ता लिने समय उपलव्ध गराउने आयोगले जनाएको छ । यस्तै वैशाख १९ गते उम्मेदवारको अन्तिम नामावली प्रकाशन र चुनाव चिन्ह प्रदान गर्ने आयोगले जनाएको छ ।

वैशाख ३१ गते विहान ७ बजेदेखि साँझ ५ बजेसम्म स्थानीय तहको निर्वाचनका लागि मतदान हुने विज्ञप्तिमा उल्लेख छ ।

विवेक ढुङ्गाना