समाचारहरू

गोलबजार नपा–११ स्थित जनता मावि बल्कबा मतदान स्थलमा वैशाख ३० गते स्थगित भएको मतदान जेठ ३ गते शान्तिपुर्ण रुपमा सम्पन्न भएको छ । कडा सुरक्षाका बिच निर्वाचन शान्पिुर्ण रुपमा सम्पन्न गरिएको हो ।

वर्षाका कारण रोकिएको मतदान पुनः निर्वाचन कार्यालयले जेठ ३ गते मिति तोकि सम्पन्न गराएको गोलबजार कार्यालयका सहायक निर्वाचन अधिकृत अनिल रेग्मीले बताउनु भयो ।

३ हजार ६ सय ४ मतदाता रहेको जनता मावि बलकबा मतदान स्थलमा चार वटा मतदान केन्द्र बनाएर मतदान कार्य सम्पन्न गरिएको थियो । उक्त मतदान केन्द्रहरुमा १ हजार ३ सय ६८ महिला र १ हजार २ सय १३ पुरुष गरी २ हजार ५ सय ८१ जनाले मतदान गरेको सहायक निर्वाचन अधिकृत रेग्मीले जानकारी दिनु भयो ।

मतदान प्रकृयाको अनौपचारिक क्षेत्र सेवा केन्द्र (इन्सेक) मधेश प्रदेश संयोजक राजु पासवान, इन्सेक जिल्ला प्रतिनिधि दुर्गा परियार, महिला मानव अधिकार रक्षक सञ्जालका केन्द्रीय अध्यक्ष तथा नियोकका पर्यवेक्षक श्याम कुमारी साह र मुक्ति नेपालका सल्लाहकार दिपक भट्टराइले पर्यवेक्षण गर्नु भएको थियो ।

पर्यवेक्षणको क्रममा चर्काे घाममा महिला तथा पुरुषहरु लामो लाइनमा उभिएका थिए भने लाइनमा बसेका केहि महिला गर्मीका कारण बेहोस हुने र रुने गरेको पाइयो ।

इन्सेकलगायत संस्थाका पर्यवेक्षकहरुले सुरक्षाकर्मीसँग समन्वय गरेर बेहोस भएका मतदातहरुलाई पानी खुवाएर रुखमुनी राखेर मतदान गराएर पठाउने कार्यमा सहयोग गरेका थिए ।

दुर्गा परियार