समाचारहरू

जयपृथ्वी नगरपालिका–७ को सुनिपिपल चौर मावि मतदानस्थलमा स्थगित भएको मतदान कार्य जेठ १ गते नेपाल प्रहरी,शसस्त्र प्रहरी, नेपाली सेना र भित्री घेरामा म्यादी प्रहरीको कडा सुरक्षाकाबिच सम्पन्न भएको छ ।

वैशाख ३० गते मतदान स्थलमा नेकपा एमाले र गठबन्धन दलका कार्यकर्ताबिच विबाद उत्पन्न भएपछि मतदान कार्य  स्थगित भएको थियो ।

विहान ७ बजेदेखि सुरु गरिएको सुनिपिपल चौर माविमा रहेको ‘क’ र ‘ख’ मतदान केन्द्रमा १ हजार ९ सय ६ जना मतदाता रहेपनि १ हजार १ सय ७८ मत खसेको जिल्ला प्रहरी कार्यालयका डिएसपी ज्ञानबहादुर विष्टले बताउनु भयो ।

मतदान केन्द्रमा शान्ति सुरुक्षाको सुनिश्चितता गरी मतदाताहरुलाई भयरहित वातावरणमा मतदान गर्न विरभद्रजङ्ग गुल्म पानकोटका मेजर मेघबहादुर गुरुङ, नेपाल प्रहरीका एसपी माधव श्रेष्ठ, जिल्ला प्रहरी कार्यालयका डिएसपी ज्ञानबहादुर विष्ट र शसस्त्र प्रहरीका डिएसपीको नेत्तृत्वमा ३ सय बडी सुरक्षाकर्मीहरु परिचालन गरिएको थियो ।

मतदान सकेर मतपेटिका चैनपुरस्थित मतगणना स्थलमा ल्याउने तयारी भइरहेको जिल्ला प्रहरी कार्यालयका डिएसपी विष्टले बताउनु भयो ।

स्थगित मतदान केन्द्रमा निर्वाचन शान्तिपूर्ण रुपमा निर्वाचन सम्पन्न भएको र मतपेटिका मतगणनास्थलमा पुग्न वित्तिकै जयपृथ्वी नगरपालिकाको मतगणना सुरु गरिने जयपृथ्वी नगरपालिकाका मुख्य निर्वाचन अधिकृत विष्नुप्रसाद अवस्थीले बताउनु भयो ।

सत्यराज सिंह