समाचारहरू

राज्यले दिने सेवा सुविधा सेवाग्राहीको पायक पर्ने स्थानबाट दिने उद्देश्यले नामखा गाउँ पालिकाको हिल्सास्थित आयो नुनको डिपो संस्थानबाट सुविधामा दिएको नुन तोकिएको मूल्यभन्दा प्रति बोरा ९० रुपियाँ बढि तिर्नु परेको स्थानीयबासीले गुनासो गरेका छन् ।

हिल्सास्थित आयो नुन डिपो कार्यालयले चैत २५ गते वितरण गरेको ६० बोरा नुन डिपो संस्थानले प्रतिवोरा ४ सय ६० रुपियाँ लिनुपर्नेमा ५ सय ५० रुपियाँ तिर्नु परेको ज्ञाल्जन लामाले गुनासो गरे ।

कुनै पनि सवारी साधन नपुगेको हुम्लाको विकट ठाउँमा जहाजले तोकिएको नुन उपलव्ध गराउन सकेको छैन । आर्थिक अवस्था कमजोर रहेका यस जिल्लाका स्थानीयबासीसँग प्रति बोरा नुनमा ९० रुपियाँ बढी लिने गरेको नामखा गाउँपालिका-५ का स्थानीयबासी भादुर लामाले जानकारी दिए ।

नुन डिपो संस्थान हिल्साका कर्मचारी छिरीङ दोर्जे लामाका अनुसार प्रति बोराको ९० रुपियाँ बढी लिएको स्वीकार गरे । तर सदरमुकामबाट सामान ढुवानी भाडासमेत जोडिएकाले बढी रुपियाँ लिनु परेको बताए । सदरमुकाम सिमकोटका साल्ट ट्रेडिङ कर्पोरेशन कार्यालयका प्रमुख राजबहादुर लामाले आफूले ६० बोरा आयोडिन नुनको ४ सय ६० रुपियाँ लिएको बताए । यस विषयमा प्रमुख जिल्ला अधिकारी धनप्रसाद शर्मा पौडेलले सम्बन्धित निकायसँग छलफल गरी कानुनी प्रकृया अगाडि बढाउने प्रतिबद्धता जनाए ।

नन्द सिंह